Påskevêr og påskestemning

I påska har vi vore ganske heldige med vêret, og fått vore mykje ute. Det har vore for det meste opplett og emperaturen har vore heilt nydeleg, opp til 18 varmegrader faktisk, så vi måtte rett og slett vere ute mest mogleg. Marius fekk ta med seg ut nokre av leikene han fekk til bursdagen sin for å prøve dei. Vi har ikkje laga sandkasse enno, men sand finn vi lett likevel, så då var det berre å gå i gong. Marius storkosa seg, og med ein pappa som er ute og køyrer traktor er det mykje å passe på for ein liten gut. Traktoren skal han nemleg ha kontroll på til ei kvar tid.
Skjærtorsdag hadde vi påskeselskap, og fekk ha mange til bords. Det er kjekt å samle familien, og spesielt kjekt var det at Marius og Sofie fekk leike ilag.

Elles har mykje av påska også gått med til køyring av flyttelass, både frå Bondalen til Ørsta, og frå Ørsta til Bondalen. Mykje arbeid med tøming av hus både her og der...Eit steg nærare for kvart lass, men mykje står att enno...