Sommarferien 2014

Å reise på sommarferie med liten baby var spennande, og vi lurte lenge på korleis det ville gå med Mathias i bil. Heldigvis gjekk det greitt, og vi køyrde til Sørlandet med campingvogn.

Men ferien starta eigentleg før det. I år har vi, som tidlegare nemnt, hatt campingvogna på fast plass i Oldedalen. (Oldevatn Camping)

Ein idyllisk og flott, liten campingplass, som ligg attmed elva som kjem frå Briksdalsbréen. Ikkje akkurat badetemperaturar i isvatnet, men det gjer ikkje noko. Denne sommaren har vore så fin og varm at det er nesten ingen som huskar sist det var slik. Temperaturar på mykje over 30 grader, og sol i vekesvis i strekk.

Olden.

Vatnevatnet.

Sandane (Var på service med bilen, og MÅTTE bade på Gloppen Camping, for det var så varmt!

Åt middag på Nordfjordeid. Beste middagen Marius har smakt, sa han. Snakkar om det endå. Det var steikte nudlar og grønsaker.

Forteltet i Olden. Koseleg med sofagruppe.

Olavshola. Mathias var også med.

Bading i isvatnet. Med våtdrakt går det meste.

Leita etter småfiskar.

Frukost i campingvogna. Mamma og kidsa på tur åleine.

 

På veg mot Grimstad. Stoppa på ein flott restaurant; Marché. God mat, og fascinerande for Mathias å sjå bilane som køyrde under oss. (Restauranten var som ei bru over firefelts-motorveg.

Etter nokre dagar køyring, med stopp blant anna i Sogn med Svein Ivar, enda vi opp på Bie Camping i Grimstad. Her storkosa ungane seg.

Mathias fekk ligge på teppe på graset, og Marius og Mariell bada heile dagane.

Så var det tid for “årets hovudattraksjon”: Dyreparken.

Vi kjøpte 2-dagerspass og billettar til kveldframsyninga til Kaptein Sabeltann-showet.

Dyreparken har vorte skikkeleg stor, og der er så mykje å rekke over. I Kjuttavika og “Kaptein Sabeltanns verden” vart vi nesten aldri ferdige. Her var det små dramastykker, der Sabeltann og Langemann dukka opp, og veldig mykje å sjå.

Marius og Mariell har begge sendt smokkane sine til Kaptein Sabeltann sitt “Smokkarium” då dei slutta med smokk, så no fekk dei sjå alle smokkane Sabeltann har. Dei vart veldig imponerte då dei såg at det var eit heilt rom med smokkar.

Tømmerrenna er vel omtrent den einaste attraksjonen som var der då eg var i Dyreparken sist…og det er ein del år sidan.

Her er vi på presentasjon av gepardar. Veldig kjekt å få sjå slike fantastiske dyr på nært hald.

Løvene fekk vi også kome ganske nær. Synest presentasjonen av dyrepassarane var veldig gode og lærerike.

På savannen. Giraffar, zebraer, antiloper, strutsar, gnuar, osv…

Måtte prøve litt karusellar også. Denne var i Kardemomme by.

Ekornape og ringhale-lemur.

Jungel-bob var veldig spennande. Den gjekk fort viss du ville, og var såpass populær at vi måtte stå ei stund i kø for å få prøve. Dessverre var det slik at det var berre ein vaksen og eit barn som fekk køyre, så då fekk vi eit problem; Audun kunne køyre med Marius, men eg måtte passe Mathias. Men Mariell var ikkje verre på det enn at ho køyrde med ei framand dame, ho. Så fekk vi løyst det problemet.

Litt seinare på dag, då det var litt mindre kø, tok vi den ein gong til, slik at eg også fekk prøve då…

Så var det klart for Sabeltann-show om kvelden. Det var litt vanskeleg å halde seg vaken, for showet starta kl 23. Men når det først hadde starta, var det så spennande, at det var ikkje snakk om å sovne då. Mathias sov seg heldigvis gjennom alt bråket, og alle smellane.

Ein av dagane i Grimstad traff vi eit vennepar av oss, Tone og Gunnar med familie, og dei har feriehus og båt der. Vi var på sjøen heile dagen nesten, for det var så flott vér, og vi gjekk i land på ein flott campingplass, som eg trur heitte Marivold Camping, og bada på stranda der. Ein aldeles nydeleg dag.

Siste dagane av ferien tok vi på Omlistranda Camping attmed Stavern. Fortsatt flott vér, flott badestrand, og i tillegg litt kjentfolk. Familien Aklestad/Aarset og Rise/Flåskjer var der, så då fekk ungane litt meir selskap, og dei storkosa seg i lag siste dagane før vi vende nasa heimover.

Kjekt med vannkrig….

…spesielt når nokon vaksne også er med.

Godt å slappe litt av også etter mange timar i sola.