Julehelsing

No er jula rett rundt hjørnet. Vi har lagt pinnekjøtet i vatn, laga riskrem, pynta juletreet, julebordet og leita fram all nissepynten. No kan jula kome.


Marius har alt starta på juleferien med å sove til 10.30 idag. Det er så kjekt å vere oppe lenge, og sjølvsagt kan han vere oppe litt lenger når vi har fri. Vi håper at han klarer å halde ut til å få opne pakkar utover kvelden imorgon. Det vert nok ein spennande dag med mange inntrykk å fordøye.

Vi gler oss til å ta juleferie og ha tid til familie og vener. Vi vil ønske alle som er innom ei fredeleg og fin juletid, og alt godt i det nye året som kjem. Legg ved ein kopi av julekortet som vi har sendt ut i år.