På Hakallegarden.

Søndag var vi på Hakallegarden, ein besøksgard på Åram, der dei har mange ulike dyr.

Vi reiste ilag med Åshild og Ivar, og det var flott vêr, men dessverre litt kald vind/trekk.

Då vi kom vart vi litt overraska over alle bilane og folka. Det var ikkje berre vi som hadde lagt turen til Hakallegarden denne søndagen. Difor vart det litt vanskeleg å få oversikta, og det vart lange køer for å kjøpe mat, og for å få ride på hestane o.l.

Etterkvart såg vi at folk reiste litt etter litt, og til slutt var vi nesten åleine igjen. Då vart det litt kjekkare, og ungane fekk sleppe til ilag med dyra.

Mariell sit på ryggen til eit esel. Veldig kry!

I hønsehuset. Mariell gjekk liksågodt inn i hønsehuset, og kom ut luka. Og der var det ingen veg ut igjen…

Inne i hønsehuset. Vi var så fascinerte av desse hønene, som hadde mykje fjør heilt ned til klørne, så det var så vidt dei klarte å gå skikkeleg.

 

Klar for ridetur.

Mariell var veldig fascinert av han som leidde hesten. Vi også, men mest fordi han skilde seg litt ut med både kleda og håret. Mariell vart mest fascinert av at han snakka svensk, og var sikker på at han kjende Emil i Lønneberget.

Ei som er veldig glad for å få ride på hest. Papsen er ikkje glad for at ho likar det så godt…ser vel føre seg at ho skal mase om å få ein eigen hest…

Marius kosar seg også på hesteryggen, og var veldig flink.

Vi fekk ein god time på slutten av dagen der vi var nesten åleine på garden, så det redda litt heile turen, og absolutt med på å gjere opplevinga for ungane kjempeflott. Hyggeleg vertskap, og snille dyr = vi kosa oss!