No er vi akkurat komne heim etter ei veke i Tyrkia ilag med mamma og pappa. Vi valde Alanya, og Pegasos Resort, og det var eigentleg mest pga at dei hadde direktefly frå Vigra. Reiseselskapet heiter Nazar, og dei har verkeleg imponert oss.
Hotellet var over all forventing, og vi har fått god service og Nazar har vore veldig synlege og godt representerte på hotellet dagleg.
Spente og utolmodige på Vigra før avreise. Mykje venting på dei små.
Etter ankomst på Antalya flyplass var det to som var lys våkne, sjølv om klokka var to om natta. Ein busstur venta før vi endeleg kunne sjekke inn på hotell Pegasos Resort.
Vi kom til rommet litt før kl 4 om morgonen, men Mariell sette igong med å pakke ut og legge kleda sine fint i skapet.
Nokre timar seinare var vi klare for å sjekke ut frukostbuffeten og bassenga.
Herleg temperatur, og strålande sol, akkurat det vi bestilte!
Heilt greitt å vakne til denne utsikta frå rommet i 4. etg.
Bassenga vart testa første dagen…
Stranda neste dag…begge dele var like bra. Og ikkje minst var det kjekt å kunne ta seg ein is akkurat når ein ville.
På piratklubb var det aktivitetar kvar dag for alle born. Her var det mykje kjekke Nazar-guidar som hadde eit flott opplegg, og ungane storkosa seg.
Så var det tid for pirat-cruise! Høgdepunktet for Marius, dette hadde han gleda seg til lenge. Vi vart positivt overraska over at det var same guidane som på piratklubben på hotellet, og opplegget varte frå vi sette oss på bussen om morgonen, til vi kom heim om ettermiddagen.
Store og flotte sjørøverskip.
Ansiktsmaling, konkurransar og aktivitetar for alle.
Og sjølvsagt: SKATTEJAKT!
Alle borna fekk eit piratbevis, premie og skatt, pirat-tørkle på hovudet og seremoni der dei vart erklært ekte piratar. Stas!
Og til slutt, for å toppe det heile: SKUMPARTY!
No treng eg sårt å ta igjen litt søvn etter siste reisedøgn, så eg får legge ut meir frå turen etterkvart. Forts. kjem!
Ingen kommentarer:
Legg inn en kommentar