Marius er 1 1/2 år idag.

Idag, 8. september, er Marius 1 år og 6 mnd gamal. Tida har gått så fort, og vi ser kor mykje som har skjedd sidan han var liten baby. Ekstra rart vert det nok no når vi skal til "på nytt" med ein liten i hus.
Marius har fått vere heilt åleine om å få mykje oppmerksomheit sidan han vart fødd, så det vert spennande å sjå korleis han taklar at det kjem ein liten baby som han må dele oppmerksomheita med.
Siste tida har det vore mykje aktivitet inne i magen, og det har vore spøka med meir enn ein gong her i huset, at no kjem det ein villstyring og viljesterk krabat.
Vi kan umuleg vere like heldige ein gong til, med tanke på kor snill og "enkel" Marius har vore. "No kjem det nok ei skikkeleg urokråke!"
Vi har tenkt tanken på at mange ting som har vore sjølvsagte med Marius kanskje vert heilt annleis med nestemann, som til dømes både eting og soving. Alt dette har vore så enkelt, og vi har tenkt ofte at det er ikkje sjølvsagt at det skal vere slik. Humøret til Marius er også heilt utruleg. Så lenge mat, søvn og bleie er i orden, er smilet på plass, frå tidleg morgon til kvelden og leggetid. Protestar har det vore lite av. Vi er så heldige som har ein så flott gut!
Marius'en vår har etterkvart vorte stor gut, barnehagegut. Han klarer så mykje no, spring rundt, klatrar, et sjølv, poplar og pratar, og forstår så utruleg mykje av ting som skjer, beskjedar han får osv. Det er ikkje lett å huske at han for 1 1/2 år sidan låg nyfødd i armane våre på sjukehuset, hjelpelaus og totalt avhengig av oss.
Ein flottare gut kunne vi ikkje fått. Difor tenkte eg no at vi måtte mimre litt, og legge ut nokre bilete av tida frå Marius vart fødd og fram til no. Vanskeleg å velge ut, så det vert nok ein del...vel, vel...vanskeleg å la vere å legge ut bilete av det som vi meiner (heilt upartiske sjølvsagt..!) er nydelegaste guten som fins.
Nyfødd i armane på ein stolt pappa.
Gulsott. Marius måtte ligge eit døgn i ei seng med blått lys.
Første gong Marius bada heime.



På besøk, alltid like snill.
Pappa og Marius på hotellet, 17. mai.

Vippestolen var populær.

Så lærte vi å sitte sjølv....
Og vi vart berre meir og meir mobil, åling, krabbing og kryping...
Smilet på plass!

Røyste seg for første gong. Ikkje lett å henge med i svingane no lenger...
Vi har fått så mykje fine heimestrikka klede, og her er Marius i hettejakka som Besta strikka. Den har vore flittig brukt.

Tur i bæresele opp i Skåla for å sjå julegrantenning.
Høneblund i vogga.
Så godt å vere litt naken!
Søskenbarnet, leikekameraten, - Marius sitt store idol, Kristian.
Tannpuss må lærast.
Ete sjølv. Skive med sylte vert fort litt kliss, men det er så godt.
"Klappe søte..."
Kjekt å bade.

Tøys med pappa.
Pynta til konfirmasjonsselskap med heimestrikka bunad, som er laga av Besta.
Deilig og nybada gut i badekåpe.
Tøyse med Besten.
Barnehageguten vår, storebroren....snart..:-)