Julafta i år vart utan snø, og slik som resten av vinteren har vore: mild og vindfull.
Ungane gleda seg stort i år. Forventningane veks etterkvart som dei vert eldre.
I år var det Annemor og Svein Ivar som feira jul attmed oss.
Alle julegåvene måtte prøvast med det same, både ski og ukulele, heisekran og vev.
Legobygging og speling vart det også mykje av i jula.
Marius og Mariell har (heldigvis) ikkje fått seg playstation eller andre spelekonsollar enno, så vi held oss til gode gamle brettspel og kortspel endå. Spørs kor lenge vi klarer å halde igjen det presset no då…
Marius er veldig glad i å spele, og går aldri lei. Mariell er litt liten til å skjøne spel med for mange reglar enno, og ho endar ofte opp med å sabotere litt, (til Marius si store fortviling!) men det kjem seg for kvar gong.
I romjula var vi i juleselskap både her og der, men det vart dessverre tatt veldig lite bilete.
Siste dagen i året vart Marius og Mariell sjuke, og hadde feber nyttårsafta. Dette viste seg å vere streptokokkar i halsen, og var ganske langdrygt. Audun fekk det også. Berre mor sjølv gjekk klar.
Det nye året starta med ein januar utanom det vanlege. Tørt og mildt, og med til dels stor skogbrannfare. Ikkje heilt vanleg kost her på Sunnmøre, men ikkje meg i mot i vertfall. Så langt i vinter har vi ikkje hatt meir enn nokre få dagar med snø.
Ein av dei få dagane det gjekk an å gå på ski fekk vi testa slalomskia som dei fekk til jul. Men det vart med den eine dagen.
Ingen kommentarer:
Legg inn en kommentar