Oppsummering av den siste veka

Det har vore lite blogging siste veka. Eg har rett og slett vore litt lei av blogging ei stund, men det kjem seg som regel fort.
Det har vore mykje som har skjedd siste veka også, og vi har vore mykje på farta.
Marius har vore litt plaga med laus mage. Eg trudde først det var magesjuke, men det forsvann liksom aldri, og forma elles var heilt fin. Eg fann ut at eg skulle prøve å gi Marius loffskiver istaden for grovbrød, for å sjå om det rett og slett kunne vere at han fekk for mykje fiber. Nestle sine babygrautar er også grove, så det er då "måte på" kor mykje grovt (sunt?) ein baby skal ha. Hardt for magen ser det i vertfall ut som det har vore, for no har det retta seg ein god del.

Vi har feira Mathilde denne veka. Ho vart 7 år 20. november.
Bursdagsbarnet;-)
Marius måtte pynte seg med stilig skjorte til selskapet. Christina var også heime ein tur. Ho har ikkje vore i Ørsta sidan ho flytta til Oslo for å gå på skule. Marius måtte studere ho lenge og vél, sidan det var eit nytt ansikt...


Barseltreff var det også, og det var Mari Kvien og Endrine som var vertar denne gongen. Eine etter den andre av babyane har no lært å sitte, og nokre kryp, så det vert berre meir og meir livlig for kvar gong vi møtast.
Mest spennande denne gongen var ein gyngehest vi fekk prøve. Marius og Matias brukar å finne tonen fort og det gjorde dei også denne gongen. Her er Marius på gyngehesten, og Matias står og held i den attmed og dei flirar begge to.

Marius brukar også å leggje inn nokre "aksjar" med damene, og denne gongen greidde han å få Sigrun Viktoria på fanget, og ga ho ein god klem.









Babybadinga vart avslutta denne veka, og vi tok bilete under vatn. Marius hadde nisselue for anledninga, og var veldig flink å dukke. Bileta har vi ikkje fått endå, men vi har nokre bilete av Marius med nisselue over vatn då...


Vi var ein tur på Moa på julehandel i lag med Ivar og Åshild. Marius syntest det var stas å ha med seg besta og besten på tur. Han var blid som ei sol heile dagen, faktisk nesten så blid at det vart flaut...alle prata med oss og kika på oss, både på butikkane og kaféen vi var på. Marius flira på innpust, og det tiltrekte seg nok oppmerksomheit for å sei det slik.


Vi fekk handla litt julegåver, og så fann vi juleantrekk til Marius. Det måtte sjølvsagt prøvast, og her ser vi lisjemannen i finskjorte med sløyfe, vest og dressbukse. Å ta mamma sitt kamera er visstnok ein leik for tida, så for å ta bilete av Marius no må ein vere rask..viss ikkje kjem han altfor nær..men her rakk eg å sette han ned...han hadde ikkje tid til å posere denne karen, men kleda passa vertfall.
Stilig eller?