Bake, kake, søte...

Etter nokre veker med mykje snufsing og snørr, er vi komne litt i bloggmodus igjen. Marius har vore skikkeleg forkjøla, og det har eg og Audun også. Eg var vel den som fekk det først, men som har sluppe lettast unna. Marius er skikkeleg tett enno, og søv veldig dårleg om natta for tida, sidan nasa er "potta tett" og han hostar til han nesten kovnar. Men litt bedring for kvar dag er det, og humøret er på plass, så vi kan ikkje klage.
No hadde eg meg eit lite føre med å redigere nokre bilete igjen...har hatt litt pause der og i det siste...Her ser vi Marius då han fekk låne slikkepotten, etter at eg hadde laga ei sjokoladekakerøre, og gjett om det var ein som likte det han fekk smake då? Han fekk lov til å rote og styre på, for det var alt med i planen at vi skulle rett i dusjen etterpå.


Etter dusjen måtte eg berre knipse litt bilete i den nye badekåpa, som er berre sååå tøff, synest eg...heilt hærleg å sjå der han går og nesten subbar nedi med kåpa. Blidingen vår..;-)