Sjå berre!

For å legge litt press på meg sjølv skreiv eg for litt sidan at eg hadde eit lite strikkeprosjekt på gong. Med meg har det alltid vore slik at eg har byrja på eit strikk, men aldri fullført det. Denne gongen vart prosjektet litt meir meiningsfullt på eit vis, sidan ein køyredress til Mariell var noko eg hadde veldig lyst at ho skulle ha. Str eg strikka tilsa også at eg måtte få den ferdig fortast råd dersom ho skulle ha noko glede av den før sommaren. No vart det faktisk slik at eg strikka den litt større enn str sa også, slik at eg mest truleg får brukt den neste vinter også. Eg er kjempefornøgd med resultatet sjølv. Den er ikkje noko stort kunstverk akkurat, men den er ferdig, den ser heil og fin ut, og der er hol til selar, noko som gjer den veldig praktisk å bruke. Mariell prøvde den for første gong i vogna igår, og ho sov lenger enn ho brukar, så det var vel kanskje eit teikn på at den var godkjent av ho:-)