Selskapeleg...

Påska 2010 er over. Kvart år trur vi påskeferien skal vare så lenge, men så er det berre  "puff og ein smell" så er den over, og i år er det ikkje noko unntak.
Eg vil prøve å oppsummere litt korleis påska har vore for oss her.
Vi var fram på "Dalen" med besta og besten på palemsøndag, fekk oss middag, kosa oss og slappa av. Det er alltid så godt å kome dit, ungane storkosar seg.

Onsdag var vi inviterte til middag på Ose med Pegge, Kristian og Elisabet. Det var kjempekoseleg, og vi hadde på førehand avtalt at Marius skulle overnatte der. Mariell skulle få sove fram på dalen, så dette vart vår første natt med begge ungane på overnattingsbesøk. Vi nytta sjansen til å få oss ein sosial kveld på ungdomshuset. 

Etter ein kjekk kveld og ein litt sløvare morgon enn vanleg var vi veldig klar for å hente ungane igjen og fare i selskap på torsdag. Sofie (Marius sin tremenning) feira 2-årsdagen sin i Porsevegen, og vi fekk vere med å feire. Marius, som har hatt mykje selskap i det siste, var veldig klar over kva det med bursdag gjekk ut på, og var veldig klar for å hjelpe Sofie med pakkane.

Å blåse ut lyset på kaka høyrer med.

Cowboy-Marius

Marius fekk låne seg ein hatt, og han vart så stilig der han gjekk med bukseselane sine, og cowboyhatt. Sjølvsagt måtte ho mor fram med kameraet;-)

Laurdag inviterte vi heile familien Dagfinrud på besøk. Mamma, pappa, Kjell Einar, Janne, Vetle, Mathilde, Jan-Olav, Ragnhild, Simon og Daniel kom hit og fekk seg nachos. Det var så kjekt at alle kunne samlast, og endeleg har vi stor nok plass til å invitere alle på ein gong!

Takk for besøket!

Kjell Einar og Mariell.

Mathilde og Mariell.

Søndag var det tid for påskerebus på Sæbø. Vi fekk med oss besta og besten på laget og var med for første gong. Det er eit kjempekjekt tiltak for ei lita bygd og oppslutninga var veldig bra. Heldige med véret var vi også. Gåter for å finne postar rundt om i sentrum og spørsmål om alt mogleg på kvar post. Dette var ikkje enkelt, og det var spørsmål for både unge og gamle. Heilt klart ein aktivitet vi vil få med oss neste år også dette. Fekk foresten mange kommentarar på vogna vår, sidan vi hadde med både Marius og Mariell i søskenvogna. Mariell sov for det meste, og Marius kosa seg med kjeks på turen. Etterpå var det heim til pinnekjøt til middag, gode og raude i kinna, etter nokre timar i sola.

Siste dagen i påska måtte vi ha oss ein tur på Bondalseidet for å sjå korleis det går med hytta til Åse-Lill og Runar. Dei har akkurat fått montert kjøkken, og hytta byrjar å ta form innvendig. Med to små med på turen vart ikkje det så mykje jobbing denne dagen, men grilling ute i sola vart det. Med skitrekket nokre titals meter unna, sola som steikte og lukta av pølser på grillen, fekk vi skikkeleg påskestemning. Vi ikkje har hatt ski på beina for heile påska, og det er heller ikkje så enkelt å få til med to små (og to store som er litt lite kompetente på bortoverski), men dette var så nært som vi kom ein påskeskitur. Ein topp dag! Ei topp påske;-)

Håper lesarane der ute også har hatt ei fin og minnerik påske! No er vi vél tilbake i kvardagen, og det er litt godt det også (etter alle selskapa og all etinga!).
No skal eg ha meg ei runde rundt på alle dei andre bloggane som er fulle av gode påskeminner.