Mariell er 6 mnd idag.

Tida går så fort...
No er det alt gått 6 mnd sidan Mariell kom til verda, og det har gått så utruleg fort.

Merkeleg å tenkje på at ho alt et graut, middag og kan nesten sitte sjølv...det har gått så fort at eg ikkje har tenkt over det. Med Marius gjekk tida saktare på eit vis, kanskje fordi vi heile tida "venta" på neste nye ting som skulle skje. Medan no, så håper vi nesten at Mariell skal vere lita lengst mogleg. Eg hadde nesten ikkje lyst til å byrje og gi ho graut, for då er vi definitivt ferdig med babystadiet. Men jenta vår elska graut frå nesten første stund, og no et ho store porsjonar både morgon og kveld, samt eit middagsmåltid midt på dag. Det er ikkje så mykje som minner om baby lenger. Kleda veks ho i frå, og er alt oppe i str 74-80....lurer på kvar babyen vår vart av...??

Men det er ein ting som vert meir og meir tydeleg, og det er kontakta mellom Marius og Mariell. Dei har mykje selskap i kvarandre, og det vert berre meir og meir for kvar dag som går. Marius passar på "systå" si, og Mariell elskar at han er rundt ho.

Om morgonen er det ofte vi sit i godstolen og ser TV eller les bok. Då kosar dei seg ilag.

"Kose pæædd!!" Seier Marius, og det betyr at han vil sitte i stolen og kose seg med pledd. Eit fast rituale før leggetid, og rett etter at vi har stått opp. Ein liten livsnytar vi har. Mariell er storfornøgd med å få lese i bok attmed storebroren, sjølv om ho kanskje blandar seg litt mykje bort i bladinga til tider...