Nokre bilete frå familieselskapet til Marius.

Her er nesten alle gjestane på plass. Det vart bra fullt i stova vår, men det var veldig kjekt at alle kunne kome.

Marius fekk så mange fine presangar, den eine finare enn den andre.
Han fekk bl a fargeblyantar og teikneblokk, lestar, legofly, genser, bukse, body'ar, lue, tøfler, Brannmann Sam-film, Fisher Price-klokke (leike), leikeservise og leikebilar.

Leika med stor "L" vart denne stoooore saken som til slutt dekte nesten heile stovegolvet. Fire tunellar med ein runding i midten og to telt til. Eigentleg er det ei uteleike, men den var veldig morsom å sette opp inne berre for å prøve.
Alle ungane styrte på og leika seg, og det var ikkje fritt for at nokon av oss vaksne også måtte prøve litt....Det gjekk ikkje lenge før det var nokre gode og raude kinn rundt om...





Mariell var litt forfjamsa over alle gjestane og alt bråket som vart, men syntest det var veldig kjekt når nokon prata med ho.
Her er det Mathilde som seier "tittei".

Så var det tid for å blåse ut lysa på kaka. Det hadde vi tjuvtrena på litt, så det klarte Marius fint.

Med besteforeldre som bakar står det ikkje dårleg til med kakebordet. Det har ein tendens til å verte både nok og for mykje kvar gong. Men det er kjekt å få hjelp til bakinga, så ein slepp å lage alt sjølv.

Tusen takk, alle saman, for at dokke kom og laga dagen til Marius så fin. Det var ein blid og ganske sliten gut som sovna godt i senga si til kvelden. Han har hatt ein super dag. Takk for alle fine gåvene.

Idag ventar nye gjestar og meir mat, så vi gler oss til selskapet startar!

Gratulerer med dagen din idag, Marius vår!

Og gratulerer til alle kvinner også, for det er trass alt kvinnedagen idag.