Barseltreff med oss.

Idag har vi hatt barseltreff her. Det er lenge sidan sist vi hadde treff, og det var artig å sjå igjen kor store alle hadde vorte sidan sist. Vi vart berre gutar idag, og det var Hallvar, Brage og Matias som kom på besøk. Vi kosa oss med pølser, vafler, druer(!!) og gelé. Gutane leika seg fint ilag, og tunellen var igjen ein suksess for å lette litt på stemninga.

Hallvar, Brage og Marius i leik på golvet.

Brage helsar på Mariell, og synest det er stas med baby. Skal tru om han forstår at han snart skal verte storebror og få ein liten baby i huset sjølv snart?









Matias i tunellen.

Gode kompisar, gode klemmar. Hallvar og Marius.

Klar til å fare, og alltid like blid, Matias. Tøff, i genser og lue som var heimestrikka av ei god bestemor/oldemor.

Marius la seg og oppsummerte dagen med alle som hadde vore på besøk, og sovna godt i senga si. Han har hatt litt av nokre dagar, med to selskap, mykje besøk og til slutt barseltreff idag. Marius vil takke så mykje for besøket idag. Det var kjempekjekt! 

I denne alderen skjer det så mykje, og det var artig å sjå korleis desse små kroppane prøver å gjere seg forstått, kor mykje dei skjønar, og kor dei kopierer kvarandre. Nokre pratar mykje, nokre mindre, og med berre rundt 2 års fartstid på denne kloda har dei fått med seg så utruleg mykje kunnskap, og har sin heilt særeigne måte å formidle det på. Det er så utruleg å få vere med å oppleve det, men samstundes så vemodig at denne tida går så fort.

Klarer ikkje heilt å henge med i svingane...."Slipping through my fingers".....

Legg ved ein snutt av "Mamma Mia"-versjonen av denne ABBA-songen, som eg synest beskriv dette så fint. 

Takk for dagen idag, damer! Håper det ikkje vert så lenge til neste gong vi møtast.