Jonsokfeiring

Jonsok såg ikkje ut til å verte nokon stor dag for oss, sidan regnet plaska ned og det var skodde langt ned i fjella heile dagen. Til kvelden hadde vi ingen planar, heilt til det dumpa ei tekstmelding inn på telefonen min. Me kunne kome på jonsokfeiring på Gotene, ein av nabogardane, for der ville dei fyre opp bål.
Vi heiv oss rundt, fann kostyme i ein fei, og reiste fram. Me kom litt tidleg (trudde me var seine, som vanleg), og det vart litt å vente, men det kom mykje folk til slutt, og det var veldig kjekt. Ungane storkosa seg, og sjølv om me hadde lite grillmat med oss (trudde ikkje at det var sånn opplegg....) så fekk ungane både pølser og sjokolade, og hadde det heilt hivens. Til slutt var Marius så trøtt at han nesten ikkje klarte å stå oppreist lenger, så då måtte me takke for oss, to timar etter leggetid. Men dette var skikkeleg kjekt, og absolutt noko me må få til neste år også.

Dalmatiner-Marius

To "grillarar" med bålet i bakgrunnen.

Heile "bølet" samla. Mange barnevogner, så kjekt å sjå;-)

Blidingen sjølv, mr. Oliver Leknes Kvistad.

Ei lita kaninfrøken. Litt sjenert i starten, men det brukar ikkje å vare lenge. Fantesmilet kom fort på plass ja.

Takk for ei kjekk jonsokfeiring til alle som var der. Supert initiativ;-)