Stryn

I helga leigde vi eit hus i Stryn og var med Janne og John Åge med familie, og Åse-Lill, Runar og Oliver for å ha nokre dagar ilag. I Stryn var det handball-cup og Jo-Martin skulle vere med der. Huset vi leigde hadde god plass og var veldig fint for oss med små born. På dagtid spaserte vi til sentrum og såg nokre handballkampar, og så kosa vi oss med god mat og prat i huset om kvelden.

 Marius var sjølvsagt sjuk, igjen, og denne gongen så han nesten ut som eit romvesen på halsen. Han fekk feber torsdag, hovna opp og fekk vanvittig hovne kjertlar/mandlar. Vi reiste til lege og sa vi skulle reise vekk i helga og ville sjekke at det ikkje var halsbetennelse eller noko slikt. Vi fekk beskjed om at det ikkje var spesielt gale, og at det var berre å reise. Då vi reiste fredag hadde Marius over 40 i feber, og vi var usikre på om det heile var ein god idé. Laurdag morgon fann vi det lurast å snakke med legevakta, for vi syntest han var unormalt mykje hoven. Etter ein biltur på 40 min for å kome til Eid, fekk vi påvist halsbetennelse og litt streptokokkar i halsen. Legen sa at han aldri hadde sett noko så ekstremt før då han så halsen/nakken til Marius. Stakaren, som var blid og tapper heile tida. Han fekk seg ein skikkeleg antibiotikakur som han skal gå på i ti dagar no, og vart raskt betre etter å ha fått i seg dei første dosane.

Henriette har vorte stor jente, og fyller snart 1 år. Ikkje lenge før ho går heller. Nusselege jenta.

Tripp, trapp, tresko.

Oliver, Henriette og Mariell.

Og så måtte vi sjølvsagt bade!

Fleire som likar å bade;-)

Samla rundt bordet. Koseleg å vere mange ilag.

Mariell og Henriette med kvar si datamaskin. Skal tidleg krøkast...

Rakk såvidt ein liten tur ut også. Mariell var skummelt rask til å nå toppen på sklia.

Farleg frøken dette her....

Takk for ei koseleg helg i lag alle saman!

Håper vi får vere friske alle mann neste gong vi er samla.