God hjelp...

Audun har hatt mykje folk i arbeid idag. Både Ivar, Pegge og Jan Ove har vore på Svora i heile dag for å støype inne i fjøsen. Mykje skal gjerast klart i fjøsen til dyra kjem heim frå sommarbeite, og når den dagen kjem tidlegare enn tenkt, vart det litt knapt med tid. Alt måndag skal dyra heim, så før i veka har det vore full nedvask, og i dag var det noko som måtte støypast. Det var godt å vere fleire i arbeid, og det er så godt med folk som tilbyr seg å hjelpe til. Å spørje om hjelp sit langt inne.. Kristian skulle til Hjartåbygda for å trene Trial i dag, og då klokka nærma seg 15.00 kika Pegge på klokka... For at ikkje arbeidsstokken skulle verte erstatta med ei litt meir ukyndig arbeidskraft,(les: Anette) tok Anette og fylgde Kristian istaden. Det var kjekt å sjå kor flink Kristian har vorte siste tida. Han har ny og større sykkel, og køyrer på dei mest utrulege plassar. Medan mange på Kristian sin alder er opptekne av å køyre fort og spinne, er Kristian konsentrert, og fokuserer på å halde god balanse.

Kristian måtte jage geiter som låg i vegen då vi skulle inn i Hjartåbygda.